Intensjonsavtalen mellom Ørsta og Volda vart gjort offentleg måndag ettermiddag.
Møre-Nytt og andre medier har vore til stades på alle forhandlingsmøta, og mykje av innhaldet er difor kjent frå før.
Les heile avtalen lenger nede i saka.
Hovudpunkta i avtalen er desse:
- Den nye kommunen skal heite Volda-Ørsta.
- Dei strategiske leiarfunksjonane i kommunen (ordførar og rådmann med stab) skal vere i Ørsta. Leiarfunksjonane for dei mjuke tenestene (t.d. oppvekst og helse/omsorg) skal vere i Volda.
- Den nye kommunen skal få eit nytt kommunevåpen.
- Visjonen er å bygge eit tydeleg regionsenter med større samla attraktivitet og avanserte tenester for heile regionen.
- Kommunale basistenester skal framleis vere lokaliserte nær innbyggarane.
- Kommunen skal styrast etter formannskapsmodellen, på same måte som Ørsta og Volda blir i dag. Det nye kommunestyret skal ha 43 medlemmar.
- Det er ein klar intensjon at det skal vere balanse mellom ansvar og arbeidsplassar i dei to rådhusa og andre kommunale bygg.
- Ingen kommunalt tilsette må slutte som følgje av kommunreforma.
- Resultatet av folkerøystinga 19. mai skal vurderast før Ørsta og Volda samla kan gå i forhandlingar om samanslåing med Hornindal og Stryn.
Avtalen blir signert av forhandlingsutvala 15. mars, og skal deretter godkjennast i begge kommunestyra før folkerøystinga. Han er difor framleis å rekne som eit utkast.
Ein eventuell ny kommune vil vere på plass frå 1. januar 2020.
Les intensjonsavtalen her:
(Saka held fram under dokumentet)
Det er eitt vedlegg til avtalen: Eit økonominotat på seks sider. Dette omtalar mellom anna realisering av symjehall i tilknyting til fleirbrukshallen i Ørsta og realisering av eit mediehus med kultursal i Volda.
Les økonominotatet her:
(Saka held fram under dokumentet)