Det fortel bustyrar, advokat Thore Heggen til Møre-Nytt.
Tidlegare i haust gjekk eigarane av samdrifta til skifteretten då dei hadde kome fram til at rekneskapen ikkje gjekk opp, og at dei var insolvente.
Samdrift til skifteretten
Rekneskapstala viser at selskapet har hatt positive driftsresultat alle driftsår utanom 2011. Likevel har botnlina vorte raud.
– Marginane har gått ned, og økonomien har vorte svekka over tid, seier bustyrar Heggen.
Resultat
Rekneskapen frå 2013 syner eit årsresultat på 372.000 kroner. Det er gjort større investeringar i samdrifta, og desse har i stor grad vore lånefinansierte. Difor har det også vore ein del kostnader med gjelda.
- Alle i bransjen slit
Sparebank 1 Søre Sunnmøre, som er den store kreditoren, jobbar no i samarbeid med eigarane i det konkursråka selskapet om å få til ny drift. Ingen ting er avgjort i saka.
– Det står att å sjå kva som vert konklusjonen. Første bod er å finne ut om det er grunnlag for vidare drift, seier bustyrar Thore Heggen.
Dyra i samdrifta i Bondalen vert tekne hand om av gardbrukarane bak samdrifta.