350 spelarar frå 13 til 55 år fordelt på 35 lag deltok i Sparebank 1 Søre Sunnmøre vennecupen i Mørehallen i Volda laurdag.
Ideen er at vennegjengar går saman og dannar lag som spelar 5-arfotball.
I herreklassa gjekk laget Team Intersport til topps. Her var ein miks av spelarar frå Ørsta og Volda. Volda-spelar Tom Malins avgjorde finalen med to fine skåringar.
I dameklassa hadde ein gjeng frå Volda sitt A-lag fått med seg to studentar som begge har erfaring frå eliteserien. Og med Mette Osvold Muri ( Fortuna) og Eli Melseth ( Fortuna, Elverum, Vålerengen) på laget vart dei vanskeleg å slå.
Namnet på laget var "Røkla", men det var nok ironisk meint.
Ungdomsklassa for gutar vart vunne av Ulv i myra, eit lag frå Ørsta.