Hovdebygda 2017: Bak. f.v. Kenneth Nydahl, Jonas Sira, Davide Contardo, Skjalg Digernes, Andreas Breyholtz, Robin Urke Brunstad, Bjørnar Holen, Frank Ristesund, Martin Roald, Robert Roseth og Markus Håndlykken. Framme f.v. Hallvard Aarset, Erling Vole, Sondre Kårstad Nilsen, Benit Nkubito, Elias Myklebust, Jonathan Olsen, Anders Nergård, Tony Nyrud og Martin Lunde.
            (Foto: Janne-Marit Myklebust)

Hovdebygda 2017: Bak. f.v. Kenneth Nydahl, Jonas Sira, Davide Contardo, Skjalg Digernes, Andreas Breyholtz, Robin Urke Brunstad, Bjørnar Holen, Frank Ristesund, Martin Roald, Robert Roseth og Markus Håndlykken. Framme f.v. Hallvard Aarset, Erling Vole, Sondre Kårstad Nilsen, Benit Nkubito, Elias Myklebust, Jonathan Olsen, Anders Nergård, Tony Nyrud og Martin Lunde.Foto: Janne-Marit Myklebust

Krinsmeisteren i 5. divisjon frå i fjor er klar for tøffare motstand i år

– Skal vere på øvre halvdel

Hovdebygda leverte ein svært god sesong i 5. divisjon i fjor og vart krinsmeister. Nivået på årets 5. divisjon vert høgare, men trenar Kenneth Nydahl er trygg på at laget skal bite godt frå seg.

– Både januar, februar og mars har vore gode i oppkøyringa. Mot slutten av mars og i starten av april vart det litt mykje sjukdom, og ein folk var vekke på ferie. Derfor har det ikkje vore ein heilt ideell inngang mot seriestarten, seier Nydahl.

Hovdebygda har i treningskampane målt krefter og prøvd seg mot lokale lag i same divisjon og 6. divisjon. I tillegg har dei vore i aksjon mot Volda.

– Resultatmessig har det vore opp og ned, men prestasjonsmessig har ein del av kampane gitt gode svar. Samtidig ser eg at vi er litt for ustabile. På vårt dårlegaste er vi ikkje gode i det heile, men når vi er på trur eg at vi skal vere klare til å kjempe mot alle i divisjonen. Vi må få dei dårlege periodane til kortare og at det blir færre av dei.

Det er ikkje store forandringar i spelartroppen frå laget som sikra seg KM-tittelen til det laget som skal kjempe i årets 5. divisjon. Terje Skrede og Jon Anders Dyrkorn har trappa ned, medan det har kom på plass fleire nye ansikt.

– Jonas Sira er kanskje det hurtigaste spelaren i divisjonen. Benit Nkubito frå Oslo har enormt mykje fotball i seg, og vi må få han opp og i fotballform. Hallvard Aarset er ein Terje Skrede-type. Det blir artig å sjå korleis vi skal få dei nye inn i vår type fotball, og vi skal i alle fall ikkje vere noko dårlegare enn i fjor, seier Nydahl.

Hovdebygda har ikkje sett seg noko spesifikk resultatmål for 2017-sesongen.

– Vi skal ta ein diskusjon på dette før seriestart, men i utgangspunktet bør vi ligge på øvre halvdel av tabellen. Så får vi sjå kva det blir til slutt.

Med divisjonsomlegginga er 5. divisjon i år betydeleg sterkare enn i fjor.

– I år blir det færre av dei enkle kampane, og eg trur ikkje det blir nokon enkle kampar i 5. divisjon denne sesongen. Det er den store forskjellen på årets 5. divisjon samanlikna med fjorårets. Dei dårlegaste laga frå i fjor har rykka ned til 6. divisjon og det har kome ned ein del sterke lag frå 4. divisjon. I år har vi ikkje råd til dårlege periodar, seier Nydahl.

Hovdebygda startar årets sesong med bortekamp mot Herd 2 20. april.

Meir å lese på Møre-Nytt:

Møre-Nytt ynskjer ein open og sakleg debatt. Alle innlegg vert kontrollerte etter publisering. Innlegg kan verte forkorta, redigerte eller fjerna. Det fulle namnet ditt må anten gå fram av e-postadressa, brukarnamnet eller Facebook-profilen din.

Dette vert lest no:

Sokneprestane svarar Hans Reite

- I våre auge forkludrar Reite den heilt grunnleggande kristne tanken om at menneska er skapte i Guds bilete, sjølvsagt heilt uavhengig av til dømes seksuell legning.

Black Friday

Økonomen Thomas sparte 11.500

- Men gå ikkje inn og dra kredittkortet blindt

Må kutte 300-450 millionar

Dramatisk situasjon for sjukehusa i fylket.

Hans Reite og homofili

Homo-aksjon mot Nytt Livs senter

- Dei skal ikkje buse fram slik, seier Hans Reite.

Porsekjellaren er tilbake

Gjenopning av klassisk utestad

Håper på gangveg til Vatne

– For ti år sidan byrja eg å sykle frå Vatne til Ørsta. På desse ti åra har trafikken auka mykje. No vert eg engsteleg av å sykle denne strekninga.