Urke restaurantdrift AS søkjer om skjenkjeløyve i Urke kaihus på Urke.

Det er Tore Lindbæk som søkjer som skjenkjestyrar for løyvet.

Av søknaden går det fram at det vert søkt om eit alminneleg skjenkjeløyve for øl og vin både innandørs og utandørs ved kaihuset.

Det vert orientert at skjenkjeløyvet skal gjelde i tidsrommet 11.00 – 23.00 alle dagar.

I søknaden vert det opplyst at det er plass til førti gjester innandørs og 60 gjester utandørs. Om innearealet heiter det at det er eit flott og oversiktleg areal.

– Det ber gode sitjegrupper i lokalet med lett tilkomst til skjenkjestad. Lokalet er fint forma ut med historiske bilete på veggene, og eit stort og fint inngangsparti, heiter det.

Om utearealet heiter at det det er oversiktleg og tilknytt hovudbygningen med fantastisk utsikt over fjorden og fjella.

– Det skal setjast opp rekkverk rundt heile arealet, og stolar og bord skal setjast opp i organiserte sitjegrupper, går det fram av søknaden.

Konseptet for skjenkjeløyvet er sommardrift.