Måndag vart det gjennomført folkerøystingar om kommunesamanslåing i 23 kommunar, mange av dei i Møre og Romsdal og Nordfjord.
I mange av kommunane på Nordmøre og i Romsdal sa fleirtalet nei til samanslåing. Nokre få samanslåingar, som Eide og Fræna, fekk støtte i folket.Begge storkommunealternativa kring Molde og Kristiansund synest å vere daude etter folkerøystinga.
I Vanylven sa fleirtalet ja til samanslåing nordover.
I Ørsta og Volda blir det gjennomført rådgivande folkerøysting om kommunesamanslåing 19. mai.
Vanylven, Vågsøy og Selje
I Vanylven sa 61 prosent av dei som røysta ja til kommunesamanslåing, og det store fleirtalet vil ha samanslåing mot nord (med Hareid, Herøy, Sande og Ulstein). Eit lite mindretal ønskte samanslåing mot sør (med Selje og Vågsøy). Valdeltakinga var på 61 prosent.
I Vågsøy var det berre rundt 25 prosent som røysta. Eit fleirtal på 56 prosent sa ja til samanslåing med Selje og Vanylven.
I Selje sa 56 prosent nei til samanslåing med Vågsøy og Vanylven. Dette alternativet er der med daudt, i og med at både Selje og Vanylven røysta det ned.
Romsdal og Nordmøre
I Midsund ønskte fleirtalet (74,7 prosnet) Midsund-Aukra. 23,1 prosent ønskte
I Vestnes sa fleirtalet på 59,7 prosent nei til samanslåing. 11,7 prosent ønskte samanslåing med Vestnes. 28,7 prosent røysta blankt.
I Rauma sa 83,9 prosent nei til samanslåing. 8,4 prosent ønskte samanslåing med Vestnes. 7,7 prosent ønskte Stor-Romsdal med Molde i sentrum.
I Nesset ønskte 49,1 prosent samanslåing med Sunndal, og 41 prosent ønskte storkommune Romsdal. Eit lite mindretal sa nei til samanslåing.
I Sunndal sa 77,4 prosent nei til samanslåing. 22,6 ønskte Sunndal-Nesset.
I Aukra ønskte fleirtalet (59,5 prosent) å halde fram som eigen kommune. 24,1 prosent ønskte Midsund-Aukra.
I Midsund ønskte fleirtalet (74,7 prosent) Midsund-Aukra.
I Aure ønskte eit stort fleirtal (76,4 prosent) å halde fram som eigen kommune.
I Averøy ønskte 61,5 prosent å halde fram som eigen kommune.
I Eide fekk ingen av alternativa reint fleirtal. 23,5 prosent ønskte Fræna-Eide, 34,9 prosent ønskte Fræna-Eide-Averøy, 10 prosent ønskte storkommune Romsdal og 31,6 prosent sa nei til samanslåing.
I Fræna ønskte 44,6 prosent Fræna-Eide, 23,6 prosent Fræna-Eide-Averøy, 19,1 prosent storkommune Romsdal og 12,3 prosent sa nei.
I Halsa ønskte 45 prosent samanslåing av Aure, Halsa og Hemne. 18 prosent ønskte Halsa-Surnadal-Rindal. 27 sa nei til samanslåing. 9 prosent ønskte storkommune på Nordmøre.
Kristiansund og Molde gjennomførte innbyggjarundersøkingar. Begge viste klare fleirtal for samanslåing.