Statens vegvesen har oppdatert vegkratet sitt etter omlegginga av E39, melder Fjordingen. Europavegen går no frå Volda, via Kvivsvegen til Grodås og deretter parallelt med riksveg 15 langs Hornindalsvatnet til Nordfjordeid.
Gamle E39 over Stigedalen er no merka som riksveg 651 med grøne skilt. I Volda er denne vegen skilta som alternativ veg til Bergen.
Fjordingen skriv at sjølv om kartet no er oppdatert, så er skiltinga framleis misvisande. Ved Kjøs bru, der E39/Kvivsvegen og riksveg 15 møtest, manglar det skilt som viser at E39 mot Ålesund går via Kvivsvegen, og at E39 mot Førde og Bergen går langs Hornindalsvatnet.
Traseen langs Hornindalsvatnet er mellombels inntil ny E39 gjennom indre Nordfjord er ferdigstilt.
Du finn vegkartet til Statens vegvesen her.
