Rådmannen i Hornindal vil sjå på om det er mogleg for Nordfjord-kommunen å knyte seg til legevakta på Volda sjukehus, melder Fjordingen.
Dei har fått signal at denne løysinga vil vere rimelegare enn dagens ordning med Nordfjord legevakt på Nordfjordeid. Denne kostar 800.000 kroner i året å vere med på.
Rådmann Ann Kristin Langeland seier til Fjordingen at dei må drøfte med Helse Førde om det er mogleg å gå ut av avtalen med Nordfjord legevakt, før dei kan sjå på om det er aktuelt å knyte seg til Volda sjukehus.