Med soknreprest Arne Moltubakk som forteljar måla kunstar Olav Baarøy påskehistoria under gudstenesta 1. påskedag. Dei hadde teke utgangspunkt i esla Eselline og Aron, og fortalde historia om Jesus gjennom auga til esla.
Mange hadde teke turen til Vartdal kyrkje for å få med gudstenesta 1. påskedag. Wenche Vartdal Leite, Levi Leite og Vidar Johan Vartdal stod for musikalske innslag. Det var også dåp i kyrkja denne dagen, og dåpsbarnet var Dennis Tømmerbakk Nikolaisen som høyrer til Spjelkavik kyrkjelyd.
– Dette er ein dag for lys, for håp og for glede, sa Moltubakk då gudstenesta starta.
