Det var kvitt på bakken fleire stader i bustadområda i Ørsta og Volda måndag morgon. På Sæbø var det snø heilt ned til fjorden, medan det i Volda måtte kostast vekk snø frå bilane for dei som bur øvst oppe i bustadfelta.
Det er også meldt om snø til kvelden måndag, før temperaturane skal auke og det kjem regn.
Det positive er at langtidsvarselet til Meteorologisk institutt melder om ei fin påskehelg. Finveret kjem fredag, og 1. og 2. påskedag kan det verte temperaturar opp mot atten grader.