Det går fram av ei kartlegging som Naturvernforbundet og bladet Natur og Miljø står bak, melder Volda og Ørsta Reinhald i ei pressemelding. Tala måler både kor mykje hushaldningsavfall som vert kasta i bossdunken og gjenvinning.
På området gjenvinning er det ein positiv trend både i Volda og Ørsta. I begge kommunar vert 87 prosent gjenvunne, mot 82 prosent på landsbasis. Begge kommunar vert rangert som nr. 70 av totalt 428 kommunar som er med på kartlegginga.
Når det gjeld hushaldningsavfall ligg landsgjennomsnittet på 437 kilo per innbyggjar. Volda hamnar på 405,50 kilo og Ørsta på 405,75 kilo. For Volda pluss 5,17 kilo og for Ørsta pluss 4.25 kilo, og dermed negativ trend som vert markert med raud pil nedover. Her vert Volda rangert på 174.-plass av 428 kommunar og Ørsta på 175.-plass.
I undersøkinga tek Naturvernforbundet også for seg område som strandsonebygg, motorferdsel, naturforvaltning, miljøplanar, oljefyring i kommunale bygg, rovdyr som er drepne og elbilar.Det er nytta tal frå Statistisk sentralbyrå, Kostra, Enova og Rovbasen.