Ørsta langt nede i NHO sitt Kommune-NM

Kvart år sidan 2006 har Næringslivets hovedorganisasjon (NHO) kåra ein vinnar av rangeringa Kommune-NM.

Kåringa er basert på ei måling av norske kommuner sin attraktivitet og vekstkraft, basert på 22 ulike indikatorar knytt til arbeidsmarknad, demografi, kompetanse, lokal attraktivitet og kommuneøkonomi.

Og vinnaren i år er den same som vinnaren i fjor: Sola tronar framleis på topp.

Også dei to andre plassane på pallen er som i fjor: Bærum og Stavanger held på høvesvis andre- og tredjeplass.

Ørsta og Volda

Ørsta kjem på 160. plass av 428 moglege.

Volda ligg på 98. plass.

På fylkesbasis toppar Ulstein før Ålesund, Molde, Haram og Giske. Volda kjem på 8. plass og Ørsta på 15.

I 2014 kom Ørsta på ein 14. plass i fylket, og ein 190. plass på landsbasis. Kommunen har dermed rykka litt opp på landsbasis.

For Volda har det gått litt nedover. I fjor var dei nemleg på 90. plass på landsbasis, og nummer sju i fylket.

Meir informasjon og detaljar om kåringa finn du på Dn.no sine sider.

Topp 10-lista

1. Sola

2. Bærum

3. Stavanger

4. Asker

5. Oslo

6. Austevoll

7. Sandnes

8. Kongsberg

9. Ås

10. Trondheim

Og Ulstein kommune ligg på 11. plass.