Under Naturfestivalen på søndag var det arrangert tur til Hallehornet i Romedalen med Vestferd v. Therese Moe Øye som fjellførar. Rundt 40 menneske var med på denne turen. På toppen av Hallehornet fekk turgåarane i tillegg oppleve Eskil Rønningsbakken sine spektakulære balansekunstar på kanten av fjellet.
På laurdag var planen å balansere på Bladet, men dette måtte diverre avlysast på grunn av tåke.
- Det er slik ein av og til må rekne med i Noreg, seier Rønningsbakken.