Tala frå Nav Møre og Romsdal syner at 137 personar var heilt utan arbeid i Ørsta ved utgangen av april. Det er 14 fleire enn for ein månad sidan og 32 fleire enn for eitt år sidan. Arbeidsløysa er på 2,5 prosent i Ørsta.
I Volda er 81 personar heilt utan arbeid. Det utgjer 1,8 prosent av arbeidsstyrken. Det er sju fleire arbeidsledige enn for ein månad sidan og fem fleire enn for eitt år sidan.
I Møre og Romsdal var det 3.479 personar heilt utan arbeid ved utgangen av april, og det utgjer 2,5 prosent av arbeidsstyrken. Arbeidsløysa for heile Noreg er på 3,0 prosent, syner tala frå Nav.