Ruskevêret på Sunnmøre held fram måndag, og i ettermiddag toppar vinden seg. Då er det venta sørvestleg storm på kysten, i fjellet og andre utsette stader.
– Det er venta vanskelege køyreforhold i fjellet pga. mykje vind, snø og snøfokk, heiter det i OBS-varselet frå meteorologisk institutt.
I kveld dreiar vinden på nordvest, og etterkvart minkar han. Det er venta regn og snø over 500-700 meter.
Tysdag blir det betring i vêret. Det er venta litt nedbør, men stort sett opphaldsvêr og lange periodar med sol og dagtemperatur rundt fem grader. Godvêret held fram onsdag, før det skyar meir til torsdag.
Det er venta moderat snøskredfare på Sunnmøre måndag og tysdag.