Erlend Krumsvik frå Volda går inn som rådgivar i Sunnmøre Regionråd IKS for å styrke arbeidet med kommunereforma. Det melder regionrådet i ei pressemelding tysdag.
Han har bakgrunn som rådmann i Herøy. Han slutta i denne stillinga før jul, etter avtale med Herøy kommune, og utan at årsaka vart opplyst.
Krumsvik har også bakgrunn som KrF-politikar i Volda og har forska på kommunesamanslåing i Møreforsking AS. Han starta i stillinga 1.mars.
Regionrådet si rolle i kommunereforma er å legge til rette for gode lokale og regionale prosessar. Til grunn for dette ligg vedtak i Sunnmøre regionråds styre og representantskap om at regionrådet skal ha ei offensiv og sentral rolle arbeidet.