Onsdag kveld i 19-tida vart det første parkeringsgebyret skrive ut ved Amfi i Ørsta, melder lensmann Guttorm Hagen. Politiet har fleire gonger varsla at dei vil slå ned på ulovleg parkering på oppsida av bygningen, ved Narvesen.
No starta bøtlegginga
– Situasjonen har betra seg både ved Amfi og i Vikegata, men det vil bli fleire kontrollar, og vi vil reagere på misbruk av gågata til køyring og parkering, seier Hagen.
Han legg til at det er ønskjeleg at parkeringsområdet på nedsida av Amfi får P-skilt.