Fylkesmannen i Møre og Romsdal gir tilbakemelding til kommunen om at Øving Fårikål 2014 var ei nyttig øving. I løpet av fire føremiddagstimar i september øvde 32 kommunar på vesentlege deler av kommunen sitt beredskapsansvar.
Målgruppa var kommunen si kriseleiing og kriseleiinga sine viktigaste støttefunksjonar, som sekretariat og ansvarlege for informasjon til publikum.
Øvinga var lagt om som ei varslings- og diskusjonsøving. Scenarioet var møteulykke mellom lastebil og buss. Passasjerane i bussen var skuleelevar heimehøyrande i ein annan kommune nord i landet.
Fylkesmannen vurderer no justeringar i kriseøvingane, mellom anna å legge inn stresstesting, mellom anna av kommunen sitt informasjonsapparat.