Rådmannen legg opp til ein auke i SFO-satsane i Ørsta frå neste år.
Fullt SFO-tilbod (meir enn 19 timar i veka) blir auke med 50 kroner til 2.700 kroner i månaden.
Redusert tilbod (mellom 10 og 18 timar i veka) blir auka med 40 kroner til 1.985 kroner i månaden.
Korttidstilbod (inntil 9 timar i veka) blir auka med 30 kroner til 1.230 kroner i månaden.
Matpengar kjem i tillegg for alle satsane.
Andre satsar uendra
Barnehagesatsane i Ørsta er allereie på den statleg fastsette maksprisen, og blir ikkje endra neste år. Prisen for plass i Ørsta kulturskule blir uendra på 3.100 kroner per år.
Saka skal opp i samband med budsjetthandsaminga i formannskapet tysdag.