Ørsta Skisenter AS har fått løyve frå Ørsta kommune til å lengje snøproduksjonsanlegget på Bondalseidet.
I dag har Ørsta skisenter AS høve til snøproduksjon i hovudtraseen og anlegget for snøbrett aust for hovudtraseen.
No vil skisenteret leggje ei ny røyrleidning som ei forgreining av eksisterande leidning, slik at det vert mogleg med snøproduksjon også i Knuteløypa.
Det vil seie at det skal verte mogleg å produsere snø mest heilt frå nedre heisstasjon til øvre heisstasjon.
Ørsta skisenter har i fleire år hatt snøproduksjonsanlegg, der vatnet vert henta frå Storevatnet bak Eitrefjell.
Mellom anna i siste sesong var snøproduksjonsanlegget heilt avgjerande for at Ørsta skisenter kunne tilby skiløparar forhold på Bondalseidet.