Bileta er tatt av Grete Bjørdalsbakke, og skal hjelpe bebuarane til å finne sitt rom.
– Dørene og korridorane er like, så dette gjer det enklare for bebuarane å orientere seg. Samstundes er det fine blikkfang. Så dette er midt i blinken, seier einingsleiar Dagrun Opsal ved sjukeheimen.
Eilev Mo, ved Nordvestprofil har lagt til rette slik at bileta har fått romnummer kopla til seg, og. Bileta er limte på dørene for å lette reinhaldet.
–Grete Bjørdalsbakke har vore primus motor for dette, men vi har hjelpt til på vår måte. Det er berre kjekt å kunne gjere noko for denne avdelinga, seier Mo.
I alt er 20 bilete på plass.
–Dette er ei stor og verdifull gåve, og vi er veldig takksame, seier Dagrun Opsal.