Hovden og Ørsta skulekorps hadde sin årlege marknadsdag, og hadde invitert Vartdalstranda generasjonskorps , Sæbø generasjonskorps og medlemmer av Dalane skulekorps til felleskonsert. Inkludert aspirantkorpset til Ørsta/Hovden var det i alt 50 unge og eldre musikarar på scena i Ørsta kulturhus.
I tillegg til kultur var det ein god dose kommers.
- Vi har loddsal, kakesal, tombola, fiskedam og lynlotteri. Det har vore supert sal og mykje folk, seier leiaren for Hovden og Ørsta skulekorps, Johnny Vassli Hansen.