Ørsta kommune har løyvd 100.000 kroner til turstiar i Hovdebygda og til tursti og gangbrua over Bondalselva i Bondalen.
I alt var det seks søknader om støtte til turstiar som kom inn innan fristen var ute.
Hovdebygda soge- og velferdslag får 100.000 kroner til å etablere ein tursti i området der det har vore lysløype. Kommunen vurderer folkehelsegevinsten som svært stor.
Grunneigar Audun Moe får 50.000 kroner til å byggje gangbru over Bondalselva, og ei opprusting av turstien på sørsida av Bondalselva.
Det kom altså inn seks søknader. Avslag vart gjeve til Norangdal IL om rydding av starten på Slogenråsa, til Bjørke Idrettslag til oppgradering av turvegar, til Henrik Schultz Ville til opparbeiding av turstiar og til Åmskarets venner for tursti til Åmskaret.