Arbeids- og sosialminister Anniken Hauglie kjem til Ørsta. Ho vil opne jobbmessa som vert arrangert på Ørsta kulturhus den 20. april.
Det er Nav som arrangerer jobbmessa for Søre Sunnmøre.
– På jobbmessa kan ein som arbeidsgjevar profilere bedrifta si, presentere rekrutteringsbehov og snakke direkte med jobbsøkjarar. På jobbmessa møter ein både jobbskiftarar, nyutdanna, studentar/lærlingar og andre som for tida er på jakt etter jobb, heiter det frå Nav.
Arrangementet vil bli kunngjort gjennom media og arbeidssøkjarar får særskild invitasjon. Jobbmessa er gratis både for utstillarar og besøkjande. Messa er open for arbeidssøkjarane frå kl.1200 til kl. 15.00.