Ein takkekonsert for livet

Mektig samklang i Volda kyrkje laurdag, med 300 songarar.

Dirigent Svein Eiksund inviterte til samklangkonsert med 300 songarar i Volda kyrkje, laurdag 18. mars. Konserten var ein hyllest til livet og ein hyllest til dei som hjelpte Eiksund gjennom kreftsjukdom.

Samklangkoret. Ein takkekonsert for livet, i Volda kyrkje laurdag 18 mars, under leiing av dirigent Svein Eiksund.  Foto: Janne-Marit Myklebust

Nyheiter

Svein Eiksund fekk kreftdiagnosen i 2015. Han stod oppe på Volda sjukehus og såg ned på Volda kyrkje. Så sa han: Overlever eg dette, skal eg halde ein gigantisk konsert.

Eiksund heldt det han lova. Laurdag fekk ei fullsett Volda kyrkje oppleve ein mektig korkonsert, med 300 songarar, under kyndig leiing av dirigent Svein Eiksund. Overskotet frå konserten går til trivselstiltak ved kreftavdelinga ved Volda sjukehus.