Svein Aam (56) er tilsett som redaktør og dagleg leiar i Møre-Nytt frå 1. juli. (Foto: Janne-Marit Myklebust)

Svein Aam (56) er tilsett som redaktør og dagleg leiar i Møre-Nytt frå 1. juli. Foto: Janne-Marit Myklebust

Leiarskifte i Møre-Nytt

Møre-Nytt har tilsett ny redaktør og dagleg leiar.

Svein Aam (56) er tilsett som ny redaktør og dagleg leiar i Møre-Nytt. Det er styret i Møre-Nytt som står bak tilsettinga. Aam startar i stillinga 1. juli i år, samstundes med at dagleg leiar Heidi Myklebust går av, og redaktør Rune Sæbønes går tilbake til sin tidlegare journalistjobb i Møre-Nytt.

- Eg gler meg svært mykje til å byrje i jobben. I tillegg er Møre-Nytt avisa eg har vakse opp med og har lest sidan eg lærte å lese. Møre-Nytt har alltid vore eit skuleeksempel på ei god lokalavis, seier Aam.

Røynd

Styreleiar Lidvar Flydal er godt nøgd med valet av ny eineleiar.

- Ved tilsetting av Svein Aam som redaktør og dagleg leiar, har Møre-Nytt fått ein røynd pressemann som med sin breie mediebakgrunn og gode kjennskap til Ørsta og Søre Sunnmøre vil kunne leie mediehuset si vidare utvikling på ein god måte. Ei hovudoppgåve vert å vidareutvikle den sterke posisjonen mediehuset Møre-Nytt har i sitt dekningsområde, seier styreleiar Lidvar Flydal.

Aam har brei redaksjonell erfaring, gjennom mange år i NRK, først ved distriktskontoret i Møre og Romsdal og seinare som programsekretær  i NRK Dagsnytt og Vaktsjef i NRK2 /Bergen. Sidan 1998 har han vore tilsett i redaksjonen i Sunnmørsposten, først ved avdelingskontoret i Volda, og seinare i næringslivsredaksjonen.

Aam er fødd og oppvaksen i Ørsta, og har inngåande kjennskap til samfunns- og kulturliv i kommunen.

Stødig

- Ei god lokalavis er ein av grunnpilarane i eit godt lokalsamfunn. Difor er dette ein kjempespennande jobb. Media har vore gjennom ei vanskeleg tid siste åra, og stadig fleire spør om vi treng journalistar og om vi treng aviser. Svaret på det er ja. Møre-Nytt har som andre opplevd store endringar siste tida. No skal vi halde stødig kurs framover. Litt av kunsten med omstillingar er at trufaste lesarar ikkje skal merke så mykje av det, og eg meiner Møre-Nytt har klart seg godt i denne ulvetida.

Møre-Nytt ynskjer ein open og sakleg debatt. Alle innlegg vert kontrollerte etter publisering. Innlegg kan verte forkorta, redigerte eller fjerna. Det fulle namnet ditt må anten gå fram av e-postadressa, brukarnamnet eller Facebook-profilen din.

Meir å lese på Møre-Nytt:
Dette vert lest no:

Kommunen opprettar næringsfond

Om overskotet til kommunen blir stort nok dei komande åra, skal overskotet settast på eit næringsfond. Ordføraren har stor tru på tiltaket.

Usemje om avkøyring til Kiwi

Eigarane av Kiwi på Heltne ønskjer framleis direkte tilkomst frå Vikebygdvegen når Voldatunnelen kjem. Vegvesenet seier kontant nei.

60 nye politifolk til Møre og Romsdal

Ventar styrking på Søre

Møre og Romsdal får 60 nye politifolk i år. Nokre av dei vil kome til Søre Sunnmøre, trur lensmann Guttorm Hagen.

Bilforsikring med eigen app

Sparebank 1 Søre Sunnmøre lanserer smart bilforsikring, som skal motivere til og belønne tryggare køyring.

Til semifinalen i Norske Talenter

Bendik Hustadnes frå Volda gjekk fredag til semifinalen i Norske talenter etter ei imponerande trommeoppvising.

Vik Ørsta:

Satsar stort på trafikksikring

Ny produksjonslinje for lysmaster vil doble produksjonen

Mørenett-flyttinga:

Skal spare 4,8 mill. i året på samlokalisering

Rapport fortel at ulempa for dei tilsette vil vere størst ved å velje Dragsund.