Etter planen skal Høgskulen i Volda, som i dag er leigetakarar, flytte ut i 2020.
– Volda sentrum har lite sentrumsnære tomter for nybygg. Ved å tenke framtidsretta og utnytting av areal samstundes med oppgraderingsbehovet til Ivar Aasen-huset, vil det både gi økonomisk og miljømessig vinning. Ei ekstra etasje vil gi om lag 1.200 m2 nett til næringsliv, kontor, undervisning m.m. i sentrum av Volda. På sikt kan det vere rift om slike areal i sentrumsområdet, står det i sakspapira.
Tredje etasje skal verte ført opp som eit råbygg, for seinare å kunne optimalisere funksjonen til brukarane av bygget.
Det er allereie teikna kontrakt for ei innvendig oppgradering av bygget. Eksisterande tak har lekkasjar, fasaden har slått sprekkar og bereevna til betongkonstruksjonen står i fare for å verte svekka.
– Med ny klimaskjerm og etablering av tredje etasje, kan dette verte eit signalbygg med god lokalisering for Volda kommune.