I Ørsta er det tradisjon for julegrantenning andre søndag i advent. Sjølv om regnet hølja ned var det mange som hadde kledd godt på seg og teke turen til sentrum for å ta del i julegrantenninga og fakkeltoget etterpå. Bente Hjertenæs, Paul Kristian Hovden og Anne Lise Harsem Ørstavik talte for forsamlinga, og Ørsta hornmusikk spelte medan besteforeldre, foreldre og ungar gjekk rundt juletreet.