– Det er kome inn litt få hus, og vi skulle gjerne hatt endå fleire, seier Astrid Aambø ved Specsavers i Ørsta.
Det er butikkane i gågata som organiserer peparkakebygda-utstillinga i Bomann-huset, og dei er avhengige av at folk leverer hus og andre peparkakekreasjonar.
– Alt er velkome. Vi har mellom anna fått inn ein peparkakebåt, og det er sjølvsagt lov å snikre saman eit ferdighus, seier Aambø.
Levering
Det er mogleg å levere peparkakehus hos Specsavers i Vikegata (i opningstida) og hos Fru Svendsen.
– I tillegg blir det mogleg å levere i utstillingslokalet søndag ettermiddag.
Initiativtakarane har laga til flotte kulissar i butikkvindauga, og desse skal skape julestemning når fakkeltoget går gjennom Vikegata søndag.