Grendelaget har sendt ei lang liste tiltak til kommunen som innspel til trafikktryggingsplanen for 2014–2017.
– Den auka byggeaktiviteten på Mork, Ekset og i industriområdet i Furene gjer at det er behov for å revurdere og fornye trafikktrygginga i bygda vår. På ønskelista til grendelaget står mellom anna snarleg bygging av den planlagde undergangen under E39 ved krysset E39/Morkavegen. Alternativt ønskjer grendelaget lysregulering i krysset med trykknapp for gåande.
Dei ønskjer også å flytte avkøyringa frå E39 i Eksetsvingen lenger nord og vekk frå svingen.Ved fv. 47 Berknesvegen ønskjer grendelaget ny busslomme og busskur frå elevar som skal til ungdomsskulen. Etter omlegginga av bussrutene blir elevane ståande her og vente på bussen. Dei ønskjer også oppheva gangfelt ved vegen, og omlegging av fv. 47 til forkøyrsveg.
Grendelaget har ei rekkje andre ting på ønskelista, mellom anna fullføring av gang- og sykkelvegen mot Ørsta.