Benny Borg til Ørsta med Elvis-show

Etter stor suksess med framsyninga “Hvor var du da Elvis døde” i 2006 og 2007 vil Benny Borg no i ein kort periode ta opp att denne framsyninga i samband med at Elvis Presley ville ha vorte 80 år 8. januar i år. Og onsdag er det Ørsta kulturhus sin tur til å få Benny Borg på besøk.

– Det var manageren min som minte meg på at Elvis jubilerte. Dette må sjølvsagt markerast. Eg låg med influensa heile jula, og brukte ho til å øve inn tekstane på nytt. Så no er eg klar for Ørsta og det håper også ørstingane er, seier Borg til Møre-Nytt. Elvis-showet hans har fått strålande kritikkar.

I fjor miste benny Borg kona si, brått og uventa. Og Borg vedgår at han har hatt det tungt.

Nede

– Eg var langt nede, men avlyste berre ein konsert. Song og musikk er god terapi for meg, seier Borg som kan røpe at han skal spele inn plate i samband med 70-årsdagen sin i år.

– To produsentar kontakta meg. Så no skriv eg låtar, også om sorg, fortel Benny Borg,