Ørsta-forfattaren Gunnhild Øyehaug er ute med den nye romanen «Undis Brekke». Boka har vorte teke godt imot blant meldarane, og VG har gitt boka terningkast 5 og NRK sin meldar omtalar romanen i gode ord.
Aftenposten skriv at: - Øyehaug er en av få norske forfattere som helt uanstrengt kan drive gjøn i en avansert og eksperimentell form.
«Undis Brekke» er den andre romanen som Øyehaug gir ut etter at ho debuterte med «Vente, blinke» for seks år sidan. Romanen handlar om 37 år gamle Undis Brekke som vender tilbake til heimbygda for å ta seg jobb som lektor i nordisk på høgskulen, endå ho er svært lei av studentar. Ho vert konfrontert med ulike bitar av barndom, ungdom og tidleg vaksendom som ho har prøvd å feie under teppet.