Lystad Johansen har spelt fleire konsertar i nærområdet etter at ho gav ut debutplata si saman med gitarist, produsent og ektemann Hans-Christian Humberset i mars.
Songar frå EP-en «Reaching for the stars» har vorte spelt på NRK Møre og Romsdal, Radio Telemark og Norsk Countryradio. No er Marit profilartist på kanalen Ordentlig Radio, og er inne i rotasjon der med tittellåten på plata.
EP-en inneheld fem songar som ligg i grenselandet mellom country og pop/rock. Etter platedebuten gjekk Marit raskt i gang med nye låtar.
Nokre av desse er inne i repertoaret allereie på konsertane no i november. Ho spelar også coverlåtar av Miranda Lambert, Gretchen Wilson, Sugarland, Dixie Chicks og Dolly Parton.
På konsertane i november har Marit med seg musikarane Hans-Christian Humberset (gitar/piano) og Levi André Leite (elbass og kontrabass). Ho spelar timeskonsertar på Madelynn Coffee i Fosnavåg 20. november og på Det Grøne Treet i Volda 26. november.