Komande onsdag, 12 august, kjem statsminister Erna Solberg på besøk til Ørsta.
Erna Solberg startar dagen i Molde, før ho tek turen til Ålesund. Ho avsluttar opphaldet i Møre og Romsdal med nokre timar i Ørsta, opplyser ordførar Rune Hovde.
– Ørsta er prioritert kommune under fylkesbesøket, og det er eg nøgd med, seier Hovde.
Statsministeren kjem til Ørsta om ettermiddagen der mjuke verdiar står på programmet.
Rehabilitering
– Solberg skal mellom anna få innblikk i kommunen sitt prosjekt med kvardagsrehabilitering. Også lærlingarbeid og integrering står på programmet, fortel ordførar Hovde.
Erna Solberg vil sjølvsagt at ordførar Rune Hovde skal verte attvald som ordførar, og besøket hennar handlar også om draghjelp i høve dette.
Statsministeren tek kveldsflyet frå Hovden onsdag kveld - utan å ha vore innom Volda.