Friluftsliv utanfor stovedøra

- Vi er priviligerte, seier Tove Brautaset Yksnøy.

Ho er mangeårig eldsjel i trimgruppa i Hovdebygda IL, og glad for å bu ein stad der ho kan delta i friluftslivet rett utanfor stovedøra.

For slik er det i Hovdebygda, her er mulegheitene store til friluftsliv.

- Og det i mest all slags terreng. Mest alle kan delta, seier Tove.

Ho nemner Indrehovdåsen og Ytrehovdeåsen, Hovdevatnet og Helgehornet. Hovdebygda IL har sett opp ei rekkje trimpostar, der folk kan skrive seg inn i bøker og plukke poeng.

På ein tur kan ho oppleve å gå langs gamle kulturminne, få med seg storslegen utsikt over Ørstafjorden, og å møte dyre- og fugleliv. Alt innan ein omkrins på få kilometer.

SJÅ EPISODE 1: Ut på tur i Ørsta

SJÅ EPISODE 2: Her har dei funne paradiset