– No vert Mørebil-bygget rive

Det fortel ordførar Stein Aam etter at formannskapet torsdag handsama Mørebil-saka bak lukka dører.

Kommunen har lagt press på kjøpargruppa RG Eiendom, Arne Johan Rebbestad, Jan Endre Vartdal og Sindre Vartdal og HI Giørtz Sønner for å få dei til å fjerne det utdaterte Mørebil-bygget. Samtalane mellom kommunen og RG eigedom har gitt resultat. No tek RG Eigedom på seg ansvar og risiko knytt til potensiell forureining av tomteområde. Dermed er hinderet for riving fjerma.

Formannskapet har også vedteke at EiendomsMegler1, som har stått for salsprosessen, no endeleg kan effektuere meglarpakken ved tinglysing av skøyte og betalt kjøpesum. Dermed tek kjøpargruppa over som formell eigar og skal utvikle tomta vidare.

Snarast

I vedtaket frå formannskapet heiter det også at formannskapet håper at Mørebilbygget blir rive snarast mogleg.

Kjøpargruppa har fem år på seg for å utvikle tomta etter at dei har overteke skøyte.