Den unge telemarkkøyraren som representerer Eitrefjell Telemarkklubb var ein av mange som tok del i det tradisjonsrike rennet. Med skodde og snøvêr på føremiddagen vart Standalrennet arrangert søndag. Rennet vart litt amputert då det på veg opp til start ved Fingeren gjekk eit ras som hindra at rennet kunne køyrast frå toppen. Løysinga vart å ha ei sprintutgåve av rennet med start på Firkanthaugen og løype ned til Standalhytta.
Eitrefjell Telemarkklubb er alltid godt representert i Standalrennet, også i år. I tillegg til Svedjan vart det delt siger i klassa 40+ menn for Paul Rune Ingebrigtsen og Lars Busterud. Rune Moltudal tok 3. plassen i klassa.