Friidrettsskulen er for barn i alderen 7-12 år. På friidrettsskulen skal barn få trene basisferdigheiter og prøve friidrett på ein spennande og utviklande måte prega av leik og glede.
Deltakarane vil få introduksjon til m.a. forskjellige friidrettsøvingar. Det vil bli innslag av løp, hopp, kast og leik for utvikling av balanse og motorikk i tillegg til ballspel og andre aktivitetar. Kyndige og engasjerte idrettsleiarar, ungdom som sjølve er aktive utøvarar i Ørsta IL friidrett, vil legge til rette og hjelpe på barna sine premissar.
Ørsta IL friidrett har sidan 2012 arrangert friidrettsskulen veka før skulestart. Det har vore fullteikna så godt som kvart år.
Informasjon om påmelding finn ein på nettsidene og Facebook-sida til Ørsta IL friidrett.
Olve Øyehaug, Ørsta IL friidrett