Første semifinale i handballsluttspelet for kvinner mellom Storhamar og Larvik vart spelt søndag. I seriespelet enda Larvik på 2.-plass med Storhamar på plassen bak, og Larvik hadde eit lite favorittstempel før semifinalane. Kampen søndag opna jamt og laga heldt følgje med kvarandre til 9–9 midtvegs i 1. omgang. Ti minutt seinare hadde Larvik ei leiing på fire mål, og gjekk til pause med 19-13-leiing.
Storhamar kutta leiinga ned til tre mål i løpet av dei første seks minutta av 2. omgang, men etter kvart fekk Larvik eit overtak i kampen igjen. Leiinga auka i siste halvdel av omgangen og Larvik vann kampen 41–32. Normalt sett ville heimelaget vere nøgde med å skåra 32 mål på Larvik, men ikkje når bortelaget skåra 41. Tonje Enkerud vart toppskårar for Storhamar med sju mål medan Aambakk, Heidi Løke og Elise Skinnehaugen skåra seks mål kvar for heimelaget.
Returkampen vert spelt i Larvik onsdag.