Eg les i Møre Nytt at du Sylvi har vore på besøk i Ørsta for å diskutere Høgre sin politikk. Eg vart litt overraska over at det ikkje var Frp sin eigen politikk som du ynskte å markere når du først var her, difor sender eg deg dette sommarbrevet for å gi deg litt betre informasjon.
Det er dessverre feil det du seier om at Høgre vil legge ned sjukeheimsplassar I Ørsta. Det står ikkje noko om det i programmet vårt og utfordringane framover tilseier heller ein auka i satsing på eldreomsorga i kommunen. Eg håpar at du kan birdra på Stortinget til at dei økonomiske vilkåra til kommunane kan betrast i åra som kjem. Det står elles mykje meir i programmet vårt om ambisjonane våre for å utvikle eldreomsorga og eg vil difor anbefale både deg og ørstingar generelt om å gå inn på heimesida vår.
I Mork-saka stod alle partia lokalt skulder ved skulder for å berge Mork-senteret. Dessverre så klarte vi ikkje det. Eg ser at du og Frp bruker mykje tid på at Høgre sentralt ikkje støtte dykkar representantforslag i saka, men som den erfarne politikaren som du er så veit du at desse vedtaka er lite eigna når det gjeld å få til varige struktur endringar i slike saker.
Frp seier dei ønskjer eit maktskifte i Ørsta, men er usikre på om dei ønskjer å samarbeide med oss i Høgre. Frp har dei siste 8 åra vore ein del av det raud-grøne konstellasjonen i Ørsta. Ei vidare føring av dette samarbeidet kan vel neppe kallast eit maktskifte. Eg trur eg vil gi deg det råd Sylvi, at skal Frp oppnå makt og innflytelse så må du orientere seg mot Høgre både sentralt og lokalt. Og skal ein få til eit konstruktivt samarbeid så må ein bygge tillit og ikkje splid.
Med vennleg helsing frå ein ferierande ordførarkandidat i Ørsta Høgre.