Ørsta FrP jobbar for å realisera bygging av ny skule på Legene, og vil samtidig jobba for nytt byggjefelt. Her er krystallklare synergiar både for utbygging og behov.
Legene har nokre av dei lunaste og mest frittliggjande tomtene i Ørsta, og er eit svært attraktivt område og etablera seg i.
Me skal bruka eksisterande veg som base for tilkomme til nytt bustadområde og ny skule, og innblanding i natur skal vera minimal.
Ørsta Frp vil ha inn igjen det første området som planutvalet trekte ut. Det var det einaste området som ikkje brukte dyrka mark, og det var likevel det første som planutvalet tok ut! Skogsbilvegen som ligg der i dag vert teken inn som ny hovudveg til feltet, og eksisterande veg til Legene slik han er i dag vert brukt slik han ligg i dag. Denne løysinga vil ikkje berre spara dyrkamark, det vil ikkje take noko dyrkamark!
Øvst på timeplanen når nytt kommunestyre er valt i september blir synfaring i området saman med planavdelinga. Då skal me gå gjennom kva motførestillingar Statsforvaltaren har lagt fram, så får me gjera dei tilpassingane som skal til for å kunna starta utbygging.
Politisk kjem tilforlateleg ny skule og utbygging på Legane opp med fire års mellomrom, eit par månader før kommuneval. Men alltid så langt fram i tid at det ikkje forpliktar. I kommunestyremøtet 16.6.23 prøvde Ørsta FrP å framskunda oppstart til 2024, men vart dessverre nedstemde. Tida er inne for å starta no om me skal ha noko på plass før Ørsta er ferdig sentralisert og det ikkje er behov for skular og bustader på bygda lengre.
Ørsta FrP held fram med å kjempa for utvikling på Legane. Me ser eit kjempepotensial i området der dalane samlast.
Og me har godt nytt å melda frå Fylkesstyret:
Møre og Romsdal FrP ved Hans Olav Myklebust fremja forslag om å få ny Høgebru inn på fylkesplanen for vegutbygging.
Dette vart vedteke i siste Fylkesstyre av eit stort fleirtal, berre mot stemmene til SP.