Bygdepride søkte begge kommunar i slutten av mars. Bakgrunnen er at lova om flagging frå kommunale flaggstenger vart endra i fjor.
Tidlegare kunne det frå rådhus-flaggstenger berre flaggast med det norske flagget, det samiske og andre land sine flagg ved sida av det norske der det var naturleg som honnør.
Etter lovendringa kan ein også flagge med andre flagg i samband med arrangement, markering eller merkedagar av allmenn interesse.
På bakgrunn av lovendringa seier Volda kommune ja til å late Bygdepride flagge med regnbogeflagg frå flaggstonga ved rådhuset frå 9. til 10. mai. Klarsignalet kom 25. april.
Allereie ein månad tidlegare – den 24. mars - hadde Bygdepride fått svaret frå Ørsta. Og svaret var nei. Bygdepride får berre flagge frå pynteflaggstenger i Ørsta.