Det vert vår-teljing av hjort natt til laurdag 23. april og natt til laurdag 7. mai.
Det skriv Peder Magnussen, viltansvarleg på landbrukskontoret for Ørsta-Volda, i ei pressemelding.
Teljingane går føre seg frå midnatt og fram mot kl. 06.00 i kommunane Hareid, Herøy, Sande, Vanylven, Volda, Ørsta, Sykkylven og Stranda.
Teljingane vert organisert lokalt i kvar kommune.
Teljingane vert utført med systematisk søk over all innmark. Under teljinga vert det bruka kraftig lys, så det er viktig for folk å vere merksame på lysbruken dei aktuelle nettene.
Resultatet av teljingane er med på å gi eit godt faktagrunnlag for korleis ein skal forvalte hjortestamma på Sunnøre.
Samla resultat av teljingane vert publisert på kommunane si heimeside.