Statsforvalteren i Møre og Romsdal skal sjå på moglegheita for å etablere eit verneområde i fjella i Ørsta.
I samband med dette arbeidet vert organisasjonar og dei med brukarinteresser invitert til informasjonsmøte i Ørsta 20. oktober.
– I denne omgang vil vi invitere lokale og regionale interessegrupper og presentere oppdraget vårt i tillegg til å informere om moglege verneformer, lokal medverknad og forvalting, heiter det i invitasjonen.
Føremålet med møtet er å presentere forslag til vern og informere om prosessen.