Ei kvinne i 50-åra er mistenkt for køyring i ruspåverka tilstand i Ørsta natt til søndag. Politiet har sikra blodprøver av kvinna, og førarkortet er inndrege. Kvinna vert meldt for forholdet, melder politiet på Twitter.
I Ulsteinvik kom det klage på høg musikk frå nokre bilar som stod ved Geileneset. Bilane forlot staden då politiet kom.
I Ulsteinvik fekk politiet også melding om ein sovande og overstadig rusa person, men personen hadde gått frå staden før politiet kom.
Elles har politiet hatt hendene fulle i natt, og har twitra nesten 20 meldingar frå festbråk, slåsting og rusa personar i området Ålesund/Sula/Haram.