Klokka 11.00 i føremiddag går startskotet for rullator-maraton i Volda.
Arrangementet er for gåande og rullande, med og utan hjelpar, og arrangør er Volda Pensjonistlag.
Det melder Volda kommune på si heimeside.
Det vert opning ved Kirsten Lillenes frå Volda pensjonistlag og ord for dagen ved ordførar Sølvi Dimmen.
Med start frå omsorgssenteret vert det både kort og lang løype, og alle deltakarar får premie.
Det vert også leikar for store og små, som potetløp og kaste-på-boks, i tillegg til danseoppvising ved Seniordans Volda, og musikk ved Volda Veterankorps.