Würth i Hovdebygda fekk måndag 15. mai tildelt Miljøfyrtårn-sertifikat.
– Denne utdelinga kom i seinaste laget då bedrifta allereie i desember i fjor hadde oppfylt alle krav. Men betre seint enn aldri, seier ordførar Stein Aam på Ørsta kommune sine heimesider.
Sveinung Myklebust i Würth tok imot sertifikatet.
– Vi har brukt ein gode del tid på å få dette på plass, og målet til Würth er å få alle avdelingar i Norge sertifisert ila 2023. Würth har blitt vurdert etter og oppfylt kriteria innan handel og som leigetakar i tillegg til felleskriteria som gjeld alle som vert sertifisert.
Würth er den sekstande verksemda i Ørsta kommune som er sertifisert som Miljøfyrtårn.
– Som ei del av arbeidet set Würth også krav til sine leverandørar slik at det blir ein rullande ball med at fleire og fleire får eit miljøretta fokus, seier miljøvernrådgjevar Magnar Selbervik.