Så mykje vil nordmenn tene for å leve eit godt liv

Rundt 700.000 kroner er det som trengst for å leve eit bra liv for dei fleste nordmenn. Det viser ny, stor undersøking utført av Norsk Monitor.

Nordmenn flest seier dei treng ei årsløn på rundt 700.000 kroner for å kunne leve ivet slik fullt ut på den måten dei ønskjer. – Nordmenn er ikkje så opptekne av materielle gode seier statsvitar om funna. Foto: Gorm Kallestad / NTB / NPK

Då 3500 nordmenn vart spurde om kor stor årsinntekt dei trur dei villa trengt for å leve fullt ut slik dei ønskjer, svara over halvparten at dei treng 700.000 kroner eller mindre. Det skriv NRK.

– Det tolkar eg som at ein ikkje har så veldig store økonomiske behov i den norske befolkninga, seier professor emeritus i statsvitskap Ottar Hellevik til statskanalen.

Han seier funna i undersøkinga kan tyde på at nordmenn ikkje er så opptekne av materielle goder.

Til samanlikning vart svara ganske annleis i USA. I møte med det same spørsmålet, svarte amerikanarar som er fødde mellom 1981 og 1996 at dei ønskte ei lønn på 500.000 dollar, altså omlag 5 millionar kroner i året, for å føle seg lukkelege.