Ørsta IL Alpint samarbeider med Sparebank1, Norges Skiforbund og Norges Idrettsforbund om å arrangere Norges største dugnad for sal av brukt vintersportsutstyr.
– Målet vårt med skibyttedagen er at fleire får råd til å vere med på vinteridrett og kanskje vil dette gi auke i rekrutteringa. I tillegg er gjenbruk bra for både miljøet og lommeboka til alle, seier Geir Åge Øye, som er leiar i Ørsta Alpin.
– Så no er det berre å kika i buda og garasjen, og leite fram utstyr som ikkje blir brukt meir og som andre kanskje har nytte av. Så kan de møte opp i Ørstahallen frå klokka ti til tolv laurdag føremiddag. Vi hjelper deg med å fastsette pris på tinga. Det som ikkje blir selt i løpet av dagen må hentast før klokka 16.00 laurdag ettermiddag, seier Øye.