Det kjem fram i ei undersøking Opinion har gjennomført for Elbilforeningen.
Regjeringa foreslår i revidert nasjonalbudsjett at ein i 2023 innfører full moms på elbil og kompenserer momskostnaden for bilar til opptil 500.000 kroner gjennom ei støtteordning.
Elbilforeininga meiner resultatet av spørjeundersøkinga er ei åtvaring til politikarane.
− Bilkjøparar blir påverka av korleis ein innrettar kjøpsavgiftene på bil, og elbilsatsinga går ikkje av seg sjølv, seier generalsekretær Christina Bu.
80 prosent av alle nye bilar i 2021 var ein elbil. Elbilforeininga erkjenner at det er på tide å fase inn moms, men meiner at ei subsidieordning vil vere lite berekraftig og sårbar for rask og uføreseieleg nedtrapping i åra som kjem.
Foreininga ønskjer heller ei gradvis innfasing av moms på elbilar frå 2023.
Dette kan anten skje ved å fase inn moms på dei dyraste elbilane, eller å fase inn ein flat låg momssats på alle elbilar på maksimalt 5 prosent, foreslår Bu.
(©NPK)